Itib-ong ang IHL, pasabton si Marcos. Ginatos ang nagmartsa padulong sa Mendiola sa Manila sadtong Agosto 19 para dumdumon ang ika-76 nga anibersaryo sang International Humanitarian Law (IHL) kag pasabton ang rehimen US-Marcos sa seryoso nga paglapas sini sa amo nga pagsulundan.Ginpakamalaut man nila ang National Action Plan for Unity, Peace and Development (NAP-UPD) sang rehimen nga gintawag nila “pungsodnon nga plano para sa terorismo sang estado.”

Sadtong Agosto 13, ginsulong sang mga progresibong grupo ang Asia-Pacific Regional Conference on IHL nga sadto ginahiwat sa Makati City. Ginpakamalaut nila ang pagpanguna sa kumperensya sang rehimen Marcos nga gintawag nila nga numero uno nga tiglapas sang IHL sa pungsod. Isa ka adlaw antes sini, nagtililipon ang mga estudyante sa UP Diliman agud dumdumon ang Adlaw sang IHL kag ginbuyagyag ang sersyoso nga paglapas sang rehimen Marcos diri, lakip sa mga tumandok nga pumuluyo.

Baliskaron ang desisyon. Nagkadto ang mga progresibo nga organisasyon sa Korte Suprema sadtong Agosto 12 agud igiit nga baliskaron sini ang desisyon nga nagbasura sa impeachment complaint batuk kay Sara Duterte nga ginpasa sang Kongreso sa Senado.

Batuk sa demolisyon sa Smokey Mountain. Nagprotesta sa atubang sang Manila City Hall ang mga residente sang Smokey Mountain sadtong Agosto 18 para igiit sa alkalde sang syudad nga si Isko Moreno nga makipag-dayalogo sa ila tungod sa mga pamahog sang pagpalayas sa ila komunidad. Ginpatigayon ang demolisyon para sa 100 megawatt nga Waste-to-Energy (WTE) Incineration Plant nga gintukod sa lugar.