Nagisayangkat ti asembliya ti maysa kadagiti balangay ti Kabataang Makabayan (KM)-Metro Manila Luzille Gypsy Zabala Brigade iti maysa a sikreto a lokasyon idi Nobyembre 16. Ti taripnong ket naiyaramid kas paset ti pananglagip iti maika-61 anibersaryo ti KM inton Nobyembre 30.

Natalantan iti asembliya ti nairut a rebbengen ti KM iti panangpapigsa ti tignay kabataan-estudyante iti sentro a syudad. Segun ken Ka Karso Mapagpalaya, maysa kadagiti dimmar-ay iti asembliya, nakasagana dagiti kabataan iti rehiyon a pangiggeman dagiti rebolusyonaryo a rebbengen ti KM.

Kunana, paayen ti KM dagiti pasista nga atake ti rehimen Marcos Jr ken tungpalen daytoy ti rebbengen ti pannakipaset ti kabataan iti armado a dangadang. “Nasken nga ipapuso ti tunggal kabataan ti ultimo a kinapateg ti KM iti panangiyabante ti rebolusyon a Pilipino!”