Nagsapata dagiti baro a nabotosan a dadaulo ti Alyansa ng Manggagawang Bukid ng Asyenda Luisita (AMBALA) idi Nobyembre 16 iti maysa a taripnong idiay Barangay Lourdes, San Miguel, Tarlac City.

Naigiddan daytoy iti taripnong tapno lagipen ti masaker idi 2004 a nakatayan ti pito a mannalon iti Hacienda Luisita iti panagpalto-paltog dagiti pwersa ti estado. Nakawelga idi ti United Luisita Workers’ Union ken Central Azucarera de Tarlac Labor Union kas sungbat iti iligal a pannakaikkat dagiti 326 nga unyonista. Ti welga ket sungbat met iti arig na adipen a pasweldo ti kumpanya, nga idi ket natennag ti ₱9.50 kada aldaw.

Kalpasan ti taripnong, nagmartsa dagiti mannalon kadagiti kalsada ti Tarlac City. Awit da dagiti awag para iti karbengan iti daga, pagbiagan ken panagindeg.

Iti asembliya da idi Nobyembre 15 ket nabotosan dagiti baro a dadaulo ti Ambala a dinar-ayan dagiti kameng manipud iti nadumaduma a barangay. Kaadwan kadagiti baro a dadaulo ket babbai. Baklay da tatta ti rebbengen iti panangsubbot iti balligi ti welga ti umili ken panangparegta ken panangpapigsa iti organisasyon.