Kinundenar ti Karapatan-Cagayan Valley ti iligal a panangkemmeg ken Stalin Valencia, maysa nga organisador ti mannalon. Kinemmeg ti pinagtipon a pwersa ti Philippine National Police (PNP) ken 5th ID ni Valencia idi Nobyembre 15 idiay San Mateo, Isabela. Sumangsango isuna ti agtutuon a kaso a kriminal, kabilang ti napaay a pammapatay, pammapatay ken panagpuor iti Cagayan Valley.

Agpatpatnag a saan a naiparang ni Valencia, ken napaidaman a makita ti pamilya ken ti pinili na nga abogado. Nagdanag da a naipasidong isuna iti interogasyon ken sikolohikal a panagparigat.

Idiay Negros, agsasaruno ti nailista a kaskaso ti panaglabsing iti karbengan-tao manipud Oktubre 28 agingga Nobyembre 4.

Panagaresto. Kinemmeg dagiti soldado ti 94th IB ti katutubo a ni Anoy Pacheco bayat nga ap-apan iti talon na idiay Sityo Tigbao, Barangay Buenavista, Himamaylan City idi Nobyembre 4. Ni Pacheco ket anak ti maysa a “Kalanyan” wenno lider katutubo iti lugar da a Tribu Magahat-Bukidnon.

Panaghalughog. Idi Oktubre 28, pwersado a sinerrek ken rinansak dagiti soldado ti balay ti mannalon a ni Remy Villacanao. Kasaruno daytoy ket dinarup ken pinalikmutan dagiti soldado ti balay ni Chona Martinez, asawa ken kabsat dagiti biktima ti pulitikal a pammapatay ti militar.

Idiay Laguna, sumangsango iti pangta a demolisyon ti komunidad ti nakurapay iti NIA Road Purok 7 idiay Barangay Pooc, Sta. Rosa, Laguna. Ti demolisyon ket makunkuna a mangted-dalan iti road concreting project ti ahensya. Naituding a maiyaramid daytoy manipud Nobyembre 18.