Usa ka pamilya ang gimasaker sa mga sundalo sa 43rd IB sa Kilometro 9, Barangay Happy Valley, San Isidro sa Northern Samar niadtong Nobyembre 18, 2022. Gipagawas sa mga pasista-teroristang sundalo nga sila mga manggugubat sa BHB nga napatay sa engkwentro. Nakapailalum sa grabeng operasyong kombat ang lugar.

Sa ulahing kwarto sa 2022, dili moubos sa tulo ka serye sa pagpamomba ang gilunsad sa militar sa prubinsya. Niadtong Oktubre 1, 2022, dili moubos sa 25 ka bala sa kanyon ang gihulog sa mga sundalo gamit ang 105mm ug 155mm howitzer sa mga umahan sa Barangay Paco, Las Navas, Northern Samar. Gisundan kini sa usa pa ka pagpamomba sa Barangay San Isidro niadtong Nobyembre 11, 2022.