Agsasaruno a protesta ti inrussuat dagiti grupo ti mannalon ken dagiti tagasuporta da kas pananglagip ti Bulan ti Mannalon. Nagmartsa agturong Mendiola iti Manila idi Oktubre 20 dagiti ginasut a mannalon manipud iti Cavite, Laguna, Batangas, Rizal, Tarlac, Bulacan, Pampanga, Albay, Sorsogon, Camarines Sur, Masbate ken Negros Occidental iti inawagan da nga Aldaw ti Protesta laban iti Panangagaw ti Daga, Inhustisya ken Bisin.

Idi Oktubre 16, linagip dagiti mannalon ti World Hunger Day babaen iti panagprotesta iti sango ti Department of Agriculture. Tinubngar da ti kinaulbod ni Marcos a ngimmaton ti ginnatangan ti irik agturong ₱24 kada kilo. Kunada, ₱18-₱20 laeng ti ginnatangan kadagiti kataltalonan, ken madandanagan da nga agsuek daytoy agturong ₱12 kada kilo intun manarimaan ti panaggaapit.

Linagip met ti babbai a mannalon ti International Rural Women’s Day idi Oktubre 15 iti maysa a protesta laban iti kinaawan-daga, bisin ken militarisasyon.