Barikada kontra-demolisyon iti Angeles City. Nagitakder ti barikada idi Oktubre 16 dagiti residente ti Sityo Balubad, Barangay Anunas, Angeles City tapno labanan ti plano a demolisyon ti Clarkhills Properties Corporation kadagiti balay da. Mapuntaan ti demolisyon ti nasurok 500 balay ken 2,000 residente nga agnanaed iti 72-ektarya a daga a gamgamgamen ti nakuna a kumpanya.

Reklamasyon iti Dumaguete City, sinupiat. Nasurok 200 taong-simbahan, dagiti mangsalsalaknib ti aglawlaw, agtutubo, ken residente iti baybay ti Dumaguete City ti nagurnong iti Pantawan, Rizal Avenue, Barangay 5 para iti “Ecumenical Walk for Creation” idi Oktubre 15. Impanawagan da ti pang-aglawlaw a hustisya ken proteksyon laban iti manangdadael a proyekto a reklamasyon.

Human chain laban iti reklamasyon. Nasurok 600 indibidwal, iti panangiyuna ti Kalikasan PNE ken Pamalakaya, ti nagaramid ti human chain iti Roxas Blvd, sango ti Manila Bay, tapno irupir ti panampasardeng kadagiti proyekto a reklamasyon iti intero a pagilian. Agtultuloy ti dredging wenno panagkali ti darat iti Manila Bay iti bangir ti aginkukuna a baun ni Marcos Jr nga isuspindi dagitoy.