Asud-asod nga protesta ang ginlunsar sang mga grupo sang mangunguma kag ila mga tigsuporta bilang pagdumdom sang Bulan sang Mangunguma. Nagmartsa padulong sa Mendiola sa Manila sadtong Oktobre 20 ang ginatos ka mga mangunguma halin sa Cavite, Laguna, Batangas, Rizal, Tarlac, Bulacan, Pampanga, Albay, Sorsogon, Camarines Sur, Masbate kag Negros Occidental sa gintawag nila nga Adlaw sang Protesta batuk sa Pagpang-agaw sang Duta, Inhustisya kag Gutom.

Sadtong Oktobre 16, gindumdom sang mga mangunguma ang World Hunger Day paagi sa pagprotesta sa atubang sang Department of Agriculture. Ginlalis nila ang kabutigan ni Marcos nga nagtaas na ang baklanay sang humay padulong sa ₱24 kada kilo. Base sa ila, yara sa ₱18-₱20 lang ang baklanay sa mga humayan, kag nagakahangawa sila nga maganubo ini padulong sa ₱12 kada kilo sa tunga sang tig-alani.

Gindumdom man sang kababainhan nga mangunguma ang International Rural Women’s Day sadtong Oktubre 15 sa isa ka protesta batuk sa kawad-on sang duta, gutom kag militarisasyon.