Barikada kontra-demolisyon sa Angeles City. Nagtukod sang barikada sadtong Oktubre 16 ang mga residente sang Sityo Balubad, Barangay Anunas, Angeles City agud batuan ang plano nga demolisyon sang Clarkhills Properties Corporation sa ila mga balay. Maigo sang demolisyon ang masobra 500 ka balay kag 2,000 residente nga nagapuyo sa 72-ektarya nga duta nga gina-angkon sang nasambit nga kumpanya.

Reklamasyon sa Dumaguete City, ginpamatukan. Masobra 200 ka tawong simbahan, tigpangapin sang kinaiyahan, kabataan kag residente sa baybayon sang Dumaguete City ang nagtipon sa Pantawan, Rizal Avenue, Barangay 5 para sa “Ecumenical Walk for Creation” sadtong Oktubre 15. Ginpamawagan nila ang pangkinaiyahan nga hustisya kag proteksyon batuk sa mapanghalit nga proyektong reklamasyon.

Human chain batuk sa reklamasyon. Masobra 600 indibidwal, sa pagpanguna sang Kalikasan PNE kag Pamalakaya, ang naghimo sang human chain sa Roxas Blvd, atubang sang Manila Bay, agud nga iduso ang pagpa-untat sang mga proyektong reklamasyon sa bug-os nga pungsod. Nagapadayon ang dredging ukon pagkutkot sang balas sa Manila Bay sa pihak sang kuno mando ni Marcos Jr nga isuspendi ang mga ini.