Ipapaayan ti Partido Komunista ti Pilipinas (PKP) ken sibubukel a rebolusyonaryo a tignayan ti kangatuan a pammadayaw ken Nalabbaga a saludo ni Kadua Josephine Mendoza (Ka Sandy), kameng ti Komite Sentral ken ikadua a maikadua a kalihim ti pangrehiyon a komite ti Partido iti Southern Tagalog.

Pimmusay ni Ka Sandy idi Nobyembre 10 iti edad a 59. Iti naduma-duma a lugar a nagtignayan na, am-ammo isuna kas Nene, Minerva ken Victoria Mirayan.

Indaton ni Ka Sandy ti nasurok uppat a dekada ti biag na iti panagserbi iti rebolusyon ken iti mai-rurrurumen ken magunggundawayan a masa iti kaaw-awayan ken syudad ti rehiyon.

Produkto ni Ka Sandy ti panaggil-ayab ti tignayan laban iti diktadura a Marcos Sr idi dekada 1980. Timmipon isuna iti New People’s Army (NPA) idi 1984 ken nagserbi kadagiti mangidadaulo a komite ti Partido ken NPA kadagiti larangan gerilya iti Mindoro ken kas maikadua a kalihim ti komite ti PKP iti Palawan idi dekada 1990.

Dakkel ti nagbalin nga imbingay na iti panangparegta ti rebolusyonaryo a tignayan iti syudad ti rehiyon manipud dekada 1990. Adu kadagiti pannakidangadang a masa ti indauluan na iti uneg ti agsasaruno a rehimen nga Estrada, Arroyo, Aquino, Duterte aginggana iti panagsubli ti pamilya Marcos iti poder.