Duha ka armado nga opensiba ang ginlunsar sang mga yunit sang Bagong Hukbong Bayan (BHB)-Central Panay (Jose Percival Estocada Jr Command) batuk sa tropa sang 82nd IB sadtong Nobyembre 21 kag Nobyembre 12.

Sadtong nobyembre 12, ginlusob sang BHB-Central Panay ang isa ka yunit sang 82nd IB sa dulunan sang Barangay Atimonan kag Barasalon sa Janiuay. Gin-igo man sang BHB ang yunit sang 82nd IB nga naga-operasyon sa Sityo Matagsim, Barangay Aglobong, Janiuay, Iloilo sadtong Nobyembre 21, pasado alas-2 sang hapon.

Mga sibilyan ang gin-initan sang 82nd IB sang patarasak sini nga ginpangtiro ang tatlo ka balay sa lugar sadtong Nobyembre 21. Isa ka residente ang napilasan sa nasambit nga pagpaniro.