Sa isa ka baryo sa Southern Tagalog, dako ang amot sang duha ka katapo sang Kabataang Makabayan (KM) nga subong nagatindog na bilang kabahin sang milisyang bayan. Katimbang sila sa pagpasiguro sang seguridad sang mga residente kag sa lokal nga yunit sang Bagong Hukbong Bayan (BHB) sang nagpondo malapit sa ila nga komunidad.

Matutom, mapamaagi kag maisog sila ni Ka Maki, 23, kag Ka Aja, 21, sa pagtungod sa hilikuton sang milisyang bayan. Ang duha ang mga mamumugon sa uma nga adlaw-adlaw nagakadto sa mga kalubihan kag humayan. Panalagsa man sila nga nagakadto sa banwa para magtrabaho sa konstruksyon kag paggwardya sa mga baboyan, manokan ukon bebehan.

Sa isa ka serye sang operasyon sang mga suldado, nagserbe sila nga mata kag tigreport sang BHB. Regular nila nga ginalibot ang mga kabukiran para mangalap sang impormasyon. Sila man ang nagdul-ong sang suporta nga pagkaon sang mga organisasyon masa kag sanga sang Partido sa lokalidad para sa BHB.

Sa isa ka insidente, makahas nga nagpadulong si Ka Maki sa balay sang mangunguma nga segurado siya nga ginaagyan sang mga suldado. Ginpakalma niya kag ginhibalo halin sa nakulbaan nga mangunguma ang detalye sang mga suldado kag kung diin sila nagpadulong. Gilayon niya ini nga ginreport sa yunit sang BHB.

Regular man kung maglibot si Ka Aja. Katimbang siya sa pagpanas sang mga agi sang mga Pulang hangaway nga naga-agi ukon nagakampo sa ila erya. Pulupanahon man siya nga naga-upod sa yunit para sa mga paghanas kag pagtuon, kag nagabulig sa pagbalhin-balhin sang mga Pulang hangaway. Ilabi siya nga nangin aktibo pagkatapos nga ginbulong sang mga kaupod.