Wala sang may nag-abot nga baboy kag karabaw nga ginpasalig sang Armed Forces of the Philippines (AFP) kag sang National Task Force-Elcac sa mga mangunguma kag tumandok nga minorya sa mga barangay sang Abra. Sandig sa mga residente, bisan baktin wala sila sang nabaton. Ang mga pasalig nga ini ang kabahin sang “suportang pang-agrikultura” nga may pondo halin sa Support to Barangay Development Program (SBDP) sang NTF-Elcac.

Sabat sang mga residente, kanugon lang sang ila gingasto sa ginhimo nila nga mga tangkal para sa ginpasalig nga pagasaguron nga sapat. Sa baylo nga karabaw, gamay nga pananom lang ang ginhatag. Sa baylo nga baboy, tag-apat ka pisu naman kada residente ang ginbaylo.

Ginhimo nga tanga ang mga tawo sang nanghatag ang AFP sang feeds (pagkaon) sang baboy pero wala naman sang may ginhatag nga paga-atipanon nga baktin. Nanghatag man ang NTF-Elcac sang feeds para sa isda bisan wala sang pangisdaan ukon fishpond sa lugar, kag wala man may ginhatag nga padamuon nga fingerlings.

Sa prubinsya sang Abra, may yara sang 28 ka barangay ang ginpaidalom sang NTF-Elcac sa proyekto nga SBDP sugod 2021. Gintigan-an ini sang nagalagting nga ₱236.7 milyon. Sa pihak sini, wala nakita sang mga barangay ang ginhambal nga proyektong palangabuhian kag pangkauswagan nga ginpondohan sang mga ini.

Sandig sa Bagong Hukbong Bayan (BHB)-Abra, “Nasayod ang mga pumuluyo sa prubinsya nga ang SBDP ang nangin gatasan sang mga upisyal sang AFP. Ginbulsa nila ang binilyon nga pondo sini kag wala sang benepisyo nga nahatag sa mga barangay.”