Ginpatigayon sang mga yunit sang Bagong Hukbong Bayan (BHB) sa Eastern Visayas kag Southern Tagalog ang 21-gun salute para saludohan ang mga martir sang Partido Komunista ng Pilipinas (PKP) kag rebolusyonaryong kahublagan sa tagsa nila ka rehiyon.

Sadtong Nobyembre 30, ginpatigayon sang BHB-Southern Tagalog ang 21-gun salute para kay Josephine Mendoza (Ka Sandy), lider sang Partido sa rehiyon. Kadungan sini, naglunsar man ang mga yunit sang Partido diri sang likom nga mga pagtililipon kag pagpasidungog sa iya.

Sadtong Nobyembre 23, ginhatagan sang malinong nga 21-gun salute sang BHB-Eastern Visayas bilang saludo ang Imelda 6, ang anom ka kaupod nga namartir sa pagpamomba sang 8th ID sa Barangay Imelda, Las Navas, Northern Samar sadtong Nobyembre 23, 2022. Ginpasidunggan nila sila ni Ka Helenita Pardalis (Ka Elay), Ka Gil Giray (Ka Biboy), Ka Mamoy, Ka Mela, Ka mike kag Ka Joshua.

Ginpasidunggan man sang National Democratic Front-EV ang mga martir sang Dolores 22, Catbalogan 10 kag Bobon 7, tanan nga biktima sang terorista nga pagpamomba sang 8th ID, kag tanan nga martir sang rebolusyong Pilipino.