Pinatiruan ti maysa a yunit ti New People’s Army (NPA)-Masbate ti agop-operasyon a tropa ti 96th IB idiay Sityo Lantawan, Barangay Gangao, Balero, Masbate idi Enero 13. Nabulabog ti makuna a yunit ti militar ken sigida nga inlemmeng ti kaswalti da tapno kalluban ti pannakaibabain.

Segun kenni Ka Luz del Mar, tagapagsarita ti NPA-Masbate, ti armado nga opensiba ket paset ti panangigaed da a gun-oden ti hustisya para kadagiti biktima ti abuso militar ken salakniban ti umili laban iti agtultuloy a panagturay militar iti probinsya.

Karaman ti ibagbaga ni Ka Luz ti 24 biktima ti pulitikal a pammapatay idiay Masbate iti sidong ti rehimen US-Marcos. Napalalo ti pungtot dagiti residente iti agnanayon a panagindeg dagiti kontra-insurhensiya a tropa ti Armed Forces of the Philippines (AFP) ken Philippine National Police (PNP) kadagiti eskuelaan iti probinsya.

Nagbalin met a nasaknap ti prostitusyon iti lugar a pinatakderan kadagiti kampo militar.

Laksid ditoy, maseknan met ti yunit militar iti panangiyun-una kadagiti panaginom iti uneg ken ruar ti kampo ken nu mabartek ket agpappaputok ti paltog ken mangrirriribuk kadagiti residente. Inreklamo met dagiti residente ti prostitusyon iti uneg mismo ti kampo ti militar.