Insayangkat dagiti rebolusyonaryo nga organisasyon idiay Metro Manila ken kabangibang a probinsya a Rizal ti oplan sab-it ken oplan pigket tapno palataken ti anibersaryo ti Partido Komunista ti Pilipinas ken ti rebolusyonaryo a tignayan.

Idiay Rizal, nagisayangkat ti oplan sab-it ti Partido Komunista ti Pilipinas (PKP)-Rizal idi Enero 9 idiay Antipolo City tapno lagipen ti maika-55 nga anibersaryo ti Partido ken umuna nga anibersaryo ti pannakatay ni Kadua Jose Maria Sison. Nangisab-it da ti dua a dadakkel a balatengga iti palengke ti syudad nu sadinno nga adu ti magmagna.

Iti EDSA Avenue idiay Metro Manila, nangipigket ti putar a sining ken nagpintura iti pader dagiti kameng ti Artista at Manunulat ng Sambayanan (Armas)-Balangay Marlon Caacbay idi napalabas a lawas tapno rambakan ti maika-37 anibersayo ti Armas. Pinalatak ti grupo ti panagsuporta da iti gubat ti umili iti pagilian tapno rippuogen ti imperyalismo, pyudalismo ken burukrata kapitalismo. Tinubngar met ti grupo ti agraraira a burges-dekadente a kultura a manglunglungsot iti arte ken literatura ti pagilian.