Tinuyong gipatay sa 48th IB si Kaliska Dominica Peralta (Ka Rekka), usa ka Pulang manggugubat sa Bagong Hukbong Bayan nga wala sa kapasidad nga makasukol, sa Barangay Butong, Quezon, Bukidnon niadtong Abril 10. Kanhi siyang estudyante sa University of the Philippines-Diliman.

Walay armas si Ka Rekka dihang nadakpan sa 48th IB. Matud sa mga saksi, gidala siya sa laing dapit sa barangay human madakpan ug didto siya giturtyor ayha gipusil patay. Laing tulo pa, nga adunay mga kaubang mga gagmayng bata, ang giaresto sa AFP. Walay nahitabong engkwentro sa lugar, sukwahi sa mga pamahayag sa militar ug pulis. Panawagan sa mga demokratikong grupo nga imbestigahan ang 48th IB sa tinuyong pagpatay kang Ka Rekka. Giparangalan siya sa sama niyang aktibista, higala ug mga estudyante sa UP-Diliman niadtong Abril 20.

Nakahukum nga mosampa si Ka Rekka sa hukbong bayan niadtong 2016. Una siyang gideploy sa BHB-Eastern Visayas ayha siya gibalhin sa BHB-Southern Mindanao. Giparangalan siya sa Partido Komunista ng Pilipinas ug BHB sa iyang paglahutay ug kontribusyon sa armadong rebolusyon sa panahon nga hilabihan ka dakung pag-antus ug sakripisyo ang gikinahanglan aron iasdang kini.