Nagprotesta atubangan sa embahada sa US ang lain-laing grupo niadtong Abril 11 aron batukan ang “trilateral summit” sa Pilipinas, Japan ug US nga gipahigayon sa Washington D.C. Sayod ang mga grupo nga nakagambalay ang maong tigum sa laraw sa US nga palapdon ang presensya niini sa first-island chain sa takuban sa “seguridad” ug “kagawasan” sa South China Sea.

Sa US, gisugat sa mga protesta sa mga grupong Pilipino-Amerikano si Marcos ug ang trilateral summit niadtong Abril 11 ug 12. Gibatikos nila ang papel sa US sa pagpondo ug paghatag og suportang militar sa rehimeng Marcos.

Niadtong Abril 9, miadto sa konsulado sa China sa Makati City ang lain-laing organisasyon aron kundenahon ang padayon nga pagpamig-ot sa China sa mga mangingisda ug barkong Pilipino ug pagpangilog niini sa teritoryo sa West Philippine Sea. Gipanawagan sa mga grupo ngadto sa China, ingonman sa US, nga ihunong ang militarisasyon sa WPS.