Naigagara a pinatay ti 48th IB ni Kaliska Dominica Peralta (Ka Rekka), maysa a Nalabbaga a mannakigubat ti New People’s Army nga awanan kabaelan a lumaban, idiay Barangay Butong, Quezon, Bukidnon idi Abril 10. Dati isuna nga estudyante ti University of the Philippines-Diliman.

Awanan armas ni Ka Rekka idi nakemmeg ti 48th IB. Segun kadagiti saksi, inpanda isuna iti sabali a paset ti barangay kalpasan a matiliw ken idiay da a tinortyur sakbay da a pinaltogan ken pinatay. Sabali pay ti tallo, nga addaan kaddua a maladaga, ti inaresto ti AFP. Awan ti napasamak a labanan iti lugar, kontra iti rakurak dagiti militar ken pulisya. Panawagan dagiti demokratiko a grupo nga imbestigaran ti 48th IB ti naigagara a panangpatay ken Ka Rekka. Pinadayawan isuna dagiti kapada na nga aktibista, gagayyem ken dagiti estudyante ti UP-Diliman idi Abril 20.

Nangngeddeng nga agkameng ni Ka Rekka iti NPA idi 2016. Umuna a naidestino idiay NPA-Eastern Visayas sakbay a naiyalis iti NPA-Southern Mindanao. Pinadayawan isuna ti Communist Party of the Philippines ken NPA iti panagpinget ken kontribusyon na iti armado a rebolusyon iti panawen a nagdakkel a rigat ken sakripisyo ti kasapulan tapno maiyabante daytoy.