Napinget ti gagem dagiti sangay ken komite ti Communist Party of the Philippines (CPP), dagiti yunit ti New People’s Army (NPA) ken intero a rebolusyonaryo a tignay iti Masbate tapno ipatungpal ti tignay panagilinteg nga inpanawagan ti Komite Sentral idi Disyembre 2023. Inbuelo da dagiti panagtasa ken panagadal idi umuna a kuarto ti tawen.

Tignay panagadal

Kas umuna nga addang, nagisayangkat ti nadumaduma a pulong konsolidadyon ken panagadal ti NPA ken masa para iti panagrambak iti maika-55 nga anibersaryo ti Partido ken NPA. Nagibunong ken da met kadagiti polyeto ken nagipaskil da kadagiti istrimer a dumanon iti 1,000 a pidaso iti adu a paset ti prubinsya. Inaramat da daytoy a gundaway tapno ibingay iti masa ken kakadua ti panawagan para iti tignay panagilinteg. Iti ulat dagiti larangan gerilya, naisayangkat ti walo a bats ti pinagtipon a programa a pangkultura wenno pulong masa iti anibersaryo ti Partido ken Hukbo a dinar-ayan ti nasurok-kumurang a 300 nga umili. Naipabuya dagiti nadumaduma a kultural a pabuya kas ti kanta, sala ken drama a nangtalantan iti pakasaritaan ti rebolusyonaryo a tignay iti prubinsya.

Naiyaramid dagiti innadal iti pablaak ti Komite Sentral iti maika-55 anibersaryo ti Partido iti nadumaduma a sangay ti Partido iti lokalidad, organisasyon masa ken yunit ti Hukbo. Mano a komite iti larangan metten ti nakaadal iti pablaak ti Partido iti maika-55 anibersaryo ti NPA. Naigiddan ditoy dagiti kampanya iti balbaliw a panagsapata dagiti sangay ti Partido iti Konstitusyon.

Malaksid ditoy, nagisayangkat kadagiti pulong panagtasa dagiti komite ti Partido iti nadumaduma a tukad tapno mainayon ti tignay panagilinte kadagiti programa ken plano da. Naigiddan kadagitoy a pulong ti panagadal iti napapateg a dokumento a mangisumsuma iti kapadasan ti Partido iti napalabas a tawtawen ken dadduma pay a dokumento a napateg iti kapadasan ti prubinsya.

Kabayatanna, iti maysa a prubinsya, naisayangkat ita a kuarto ti maysa a bats ti panagadal iti Batayan a Kurso ti Partido.

Panangitudo kadagiti kamali ken panagilinteg

Umannurot iti panawagan ti Komite Sentral, sipupuso nga intudo ti nadumaduma a komite ti Partido iti prubinsya dagiti nagkurangan ti tignay iti panangidaulo iti rebolusyonaryo a dangadang dagiti Masbatenyo. Sipupudno a tinasa ti tunggal komite ken tunggal kumand ti Hukbo dagiti internal a kakapuyan iti nadumaduma a tay-ak ti trabaho. Binalangkas da dagiti pangrugian a panaglagom iti rebolusyonaryo a trabaho. Rinugian da metten dagiti kampanya ti kumprehensibo a panagsukisok iti gimong ken panagamiris iti dasig.

Ilinlinteg met dagiti yunit ti NPA dagiti manera da iti panagtignay kadagiti larangan. Panggep daytoy a lumiklik kadagiti saan a kasapulan a depensiba a labanan. Rinugian metten dagiti yunit iti prubinsya ti panagpalawa kadagiti erya a saan pay a nadandanon. Kadagiti lugar a saan a nasublian ti NPA, in-inot nga iparparikna manen dagiti kakadua ti presensya da iti masa.

Iti isla ti Ticao, nagbalin a taktika ti Nalabbaga a soldados ti sililimed a panagtulong iti masa iti produksyon kas suporta da. Pakaragsakan ti masa nga addan mangilepleppas kadagiti trabaho da iti panagkopra.

Karit tatta iti rebolusyonaryo a tignay iti prubinsya a papigsaen ti armado a panaglaban tapno mapapigsa ti NPA ken ti tignay masa. Nagpanawagan ti komite ti Partido iti amin a yunit ti NPA nga agisayangkat ti sustenido a taktikal nga opensiba tapno pakapsuten ken maminpinsan a paayen ti terorista a panagari dagiti armado a puersa ti rehimen US-Marcos.

Partikular met a tinalmegan ti komite ti panagisayangkat kadagiti dangadang nga anti-pyudal ken dagiti kampanya para iti pagbiagan kas pagbatayan iti panagpapigsa ti tignay masa a Masbatenyo.

Rimmusing ti rebolusyonaryo a tignay iti Masbate idi 1983 idi simmangpet ditoy ti tallo a kakadua nga armado laeng ti dua a nakakapsut a klase ti riple. Iti napalabas a mano a dekada, napaneknekan ti masa a Masbatenyo a pudno a mapagpiaranda ti soldados ti umili ken kaddua da iti panangisubli kadagiti daga da ken panangsalaknib kadagiti demokratiko a karbengan da.