Nagprotesta iti sango ti embahada ti US ti nadumaduma a grupo idi Abril 11 tapno babalawen ti “trilateral summit” ti Pilipinas, Japan ken US a naaramid idiay Washington DC. Ammo dagiti grupo nga umannurot daytoy a pulong iti panggep ti US a palawaen ti presensya na iti first-island chain iti linged ti “seguridad ” ken “wayawaya” iti South China Sea.

Iti US, sinabat dagiti protesta dagiti grupo a Filipino-American ni Marcos ken ti trilateral summit idi Abril 11 ken 12. Binabalaw da ti papel ti US iti panangpondo ken suporta a militar daytoy iti rehimen Marcos.

Idi Abril 9, nagturong iti konsulado ti China iti Makati City ti nadumaduma nga organisasyon tapno kundenaren ti tuloy-tuloy a panangliplipit ti China kadagiti mangngalap ken barko a Pilipino ken panangagaw daytoy iti teritoryo ti West Philippine Sea. Inpanawagan dagiti grupo iti China, kasta met iti US, nga isardengen ti militarisasyon iti West Philippine Sea.