NAGISAYANGKAT TI OPERASYON A haras ti New People’s Army (NPA)-Western Samar (Arnulfo Ortiz Command) laban kadagiti pasista a soldado ti 87th 1B iti Barangay Nagbac, Jiabong, Samar idi Hunyo 23. Maysa a soldado ti napapatay iti panagatake.

Agimulmula ti buteng ken aliaw iti komunidad ti yunit ti 97th IB iti linged ti Retooled Community Support Program. Iti ulat dagiti residente, nakakampo da iti igid ti kabalbalayan manipud pay Enero tapno agited ti pabuya a “serbisyo iti kagimongan.”

Kabayatan na, nagkakadwa dagiti residente ti Sityo San Pedro, Barangay 3, San Jose de Buan, Samar iti maysa nga asembliya idi maudi a lawas ti Hunyo tapno irakurak ti panagkedked da iti panagkampo ti maysa a yunit ti 87th IB iti sityo da. Nangrugi ti panagalad dagiti soldado iti nasao a sityo idi umuna a lawas ti Hunyo para iti plano a detatsment a maitakder iti lugar.

Tapno lapdan ti panagkaykaysa ti bumaryo, pinangtaan dagiti soldado ti kapitan ti barangay, ti lider ti sityo ken konsehal. Binutbuteng dagiti militar a pagsungbaten ken maikulong dagiti nasao a lider nu rauten manen isuda ti NPA iti lugar.

Idi pay awan ti detatsment, siguden a militarisado ti San Pedro manipud Enero. Naimaldit ditoy ti agtutuon a panaglabsing iti karbengan-tao.