Tallo nga hors de combat ken maysa a lakay a mannalon ti awan kalaban-laban a pinapatay ti militar iti napalabas a lawlawas. Walo met ti naaresto ken naidarum iti pinarbo a kaso a kriminal.

Idiay Negros Occidental, pinidot ti 15th IB ti 69-anyos a mannalon a ni Ramon Enseniales, inpan da iti kabakiran, ken ingagara da a pinatay idi Hulyo 29 iti Sityo Pasto, Barangay Basak, Cauayan.

Dua nga hors de combat a mannakigubat ti New People’s Army (NPA)-Southwest Negros ti pinapatay met ti 15th IB iti Barangay Camindangan, Sipalay City iti nasao a prubinsya. Idi Hulyo 29, kinemmeg ti 15th IB ti 23-anyos a Nalabbaga a mannakigubat a ni Reggie Fundador (Ka Tata) iti Sityo Badyang. Kabigatanna, nakita laengen ti bangkay na iti dalan iti Crossing Magtanday, Barangay Camindangan. Malasin la unay iti bangkay na dagiti gapuanan ti tortyur. Idi Agosto 1, pinapatay ti 15th IB ti hors de combat a ni Alvin Lumagsao Sinsano (Ka Zian) iti Sityo Cambuguiot iti kapada a barangay.

Idiay Rizal, ginagara a pinatay kalpasan a kemmegen ti 8th IB ni Wally Agudes (Ka KM) idi Hulyo 18 iti Barangay Burgos, Rodriguez. Ni Ka KM ket addaan sagubanit a nakaro a trangkaso a makaigapu ti panagtalinaed na iti komunidad.

Panagaresto. Iligal nga inaresto ken tinortyur dagiti pwersa ti estado ti uppat nga organisador dagiti mannalon a da Maria Theresa Buscayno, Desiree Jaranilla Patuñog, Andres Ely, ken Oliver Millo idi Hulyo 29 ti rabii. Pinidot da isuda bayat nga agbibyahe iti Jose Abad Santos Avenue iti Mexico, Pampanga.

Napilaan da iti kaso nga illegal possession of firearms and explosives. Parparuaren da a nakumpiskar kadakuada ti nadumaduma nga armas ken granada. Nakabalud da tatta idiay San Fernando, Pampanga.

Idi Hulyo 11, inaresto ti 203rd IBde ti sityo lider ti Sityo Lukban, Barangay Panaytayan, Mansalay iti Oriental Mindoro a ni G. Itaw Ramunyan. Mairamraman isuna iti napasamak a labanan ti maysa a yunit ti 203rd IBde ken NPA iti nasao a sityo iti bigat ti didiay nga aldaw.

Mano nga aldaw kalpasan daytoy, inaresto ken inpupok dagiti soldado ti dua pay a Mangyan-Hanunuo karaman ti dua pay a pasahero da bayat nga agbibyahe da iti Sityo Tambangan, San Roque, Bulalacao.

Idiay Rizal, naaresto met idi Hulyo ni Laila Ramos, maysa nga organisador ti katutubo a Dumagat-Remontado.

Demolisyon. Naranggas a dinemolis dagiti tauhan ti kumpanya a Megaland Prime Estate Corporation ti naawagan a Donald Compound iti FB Harrison St iti Pasay City idi Agosto 1. Dinuprak ti demolition team ti 40 a kabalbalayan nu sadinno nga agnanaed ti 500 a residente.

Pinidot dagiti pulis idi Agosto 3 ti aktibista a ni Benedict Macabenta nga adda iti lugar tapno sumuporta kadagiti residente. Inbaddek isuna dagiti pulis ken dinanog-danog da ti rupa na.

Idiay Quezon City, saan a bumaba iti tallo a babbai a residente ti King Christian St, Barangay Bagbag, Novaliches ti nasugatan idi Hulyo 28 iti panagkedked na iti iligal a panagalad ken demolisyon iti komunidad da. Adda iti 30 a trabahador ken maton ni Roberto Collantes, ti mangag-agaw ti daga, ti nabaon a dupraken dagiti balbalay iti lugar.

Pananglipit. Napilaan ti kaso a pammapatay ken inakusaran a kameng ti NPA ti tallo a kagawad ti midya ken maysa nga upisyal iti impormasyon ti lokal a gubyerno idiay Masbate idi Hulyo. Naiyaramid daytoy kalpasan a nagipila da ti 11 a kaso ti panagtakaw laban ken Gov. Antonio Kho ti Masbate ken kadagiti tauhan na idi Marso 25 kanaig iti kunniber kadagiti lokal a proyekto iti prubinsya.

Idiay Quezon City, napaturongan ti paltog ken napangtaan ti organisador ti mangmangged a ni Grace Villota iti University of the Philippines-Diliman idi rabii ti Hulyo 22.