Nagiyebkas ti panagdanag dagiti residente ti Barangay San Rafael, Rodriguez, Rizal ti inkabit ti National Commission on Indigenous Peoples (NCIP) a “libre a wifi” iti barangay da idi Mayo. Ammo da a naikabil daytoy tapno paliiwen isuda ti National Task Force-Elcac.

Segun iti ulat, mismo a ti NCIP ti nangibunannag iti panggep ti “libre a serbisyo.” Iti maysa a pulong idi Mayo 24, minandaran dagiti tauhan daytoy nga aramaten ti libre a wifi tapno “makisilpo iti NTF-Elcac ken agulat kadagiti damdamag tapno pagtalinaeden ti talna iti barangay.”

Tapno makausar, kasapulan nga ited ti agusar ti nagan, edad ken kasarian na. Kayat na a sawen, urnongen ti NCIP ken NTF-Elcac ti personal nga impormasyon dagiti agusar ti serbisyo. Naitakder ti “libre a serbisyo” katinnulong ti United Nations Development Programme ken Broadband ng Masa.