Saan a bumaba iti 21 nga indibidwal ti nakaturpos iti agsaruno a panagadal ti Intermedya (IKP) ken Abante a Kurso ti Partido (AKP) iti Southern Tagalog idi Mayo ken Hunyo, segun iti ulat ti Kalatas, ti rebolusyonaryo a pagiwarnak ti rehiyon, iti isyu daytoy idi Hunyo. Dagiti estudyante a nagturpos ket nagtaud kadagiti sangay ti Partido iti hukbo ti umili ken sentro nga ili.

Paset daytoy ti trabaho a konsolidasyon kasaruno dagiti panaglagom dagiti komite ti Partido.

Naiyaramid dagiti panagadal iti tengnga ti isaysayangkat a focused military operations dagiti pasista a tropa ti Armed Forces of the Philippines. Nagballigi daytoy gapu iti pangngeddeng ti komite ken dagiti yunit, nairut a koordinasyon ken nalaing a panagamiris ken addang ti yunit kumand ti hukbo ti umili, ken ti saan a a matawaran a suporta ti base a masa.