Nagbotos ti 1,246 iti kabuklan nga 1,883 a mangmangged ti Nexperia Philippines Inc. Workers’ Union (NPIWU)-NAFLU-KMU pabor iti panagisayangkat ti welga laban iti nasaknap a panagikkat ti kumpanya kadagiti mangmangged. Inyaramid ti unyon ti strike vote idi Hulyo 29-30 iti Cabuyao, Laguna.

Naipatungpal a nasayaat ti aktibidad kalpasan ti immuna a naitantan a panagbobotos idi Hulyo 17-18 gapu iti agdadata a pannakibiang ti maneydsment. Nagidatag ti unyon ti Notice of Strike idi Hunyo 26.

Mangmangged iti senado. Idi Agosto 2, kagiddan ti asembliya ti NIPWU-NAFLU-KMU, inyanunsyo ni Jerome Adonis, kabuklan a kalihim ti Kilusang Mayo Uno, ti panagtaray na iti kinasenador iti sidong ti Koalisyong Makabayan iti umay nga eleksyon 2025. Ni Adonis, a 22 tawenen nga organisador ti KMU, ti maikatlo a kandidato iti sidong ti Makabayan.