Nasugatan iti AWAN pilpilienna a pammaltog dagiti pwersa militar ti Zionista nga Israel ni Amado Sison, aktibista a Pilipino-Amerikano, bayat nga agal-ala ti bidyo iti protesta idiay Beita, West Bank iti okupado a daga ti Palestine idi Agosto 9. Segun kenkuana, nagtaray da idi dinuprak dagiti militar ti protesta ken idiay a pinaltogan da ti luppo na. Nagaramat met kano ti tear gas dagiti pwersa ti Israel.

Ti panangraut iti protesta ket kasaruno ti saan nga agsardeng a panagatake ti Zionista nga Israel, iti suporta ti imperyalismo a US, kadagiti Palestino iti Gaza Strip ken okupado a teritoryo iti West Bank.

Manipud Agosto 15, 15,000 ti nagprotesta iti Chicago iti panaglukat ti nailian a taripnong ti partido a Democrat tapno ipanawagan iti kandidato da a ni Kamala Harris a tumakder laban iti henosidyo. Daytoy met laeng Agosto, tuloy-tuloy dagiti dadakkel a rali a maka-Palestine idiay France, United Kingdom, Sweden ken Spain.

Iti naudi a rekord idi Agosto 18, nasuroken a 40,000 a Palestino ti pinapatay ti Israel iti Gaza Strip ken West Bank. Dandani 100,000 met ti naimaldit a nadunor kadagiti panagraut daytoy ken ginasut a ribo ti napadisin iti daga da.