Simple, apan halandumon ang pagsaulog sa Bagong Hukbong Bayan (BHB)-Quezon (Apolonio Mendoza Command) sa ika-56 nga anibersaryo sa Partido Komunista ng Pilipinas. Naglunsad sila og estilong kapehan sa usa ka larangan sa South Quezon-Bondoc Peninsula (SQBP).

Sa programa, gihatagan og pasidungog sa yunit ang mga martir sa Quezon sa miaging tuig. Naghatag og pahayag sa pakighiusa ang mga bisitang mitambong nga naggikan sa mga alyadong organisasyon sa National Democratic Front of the Philippines (NDFP) sama sa Kabataang Makabayan ug Artista at Manunulat ng Sambayanan.

Sa wala pa ang Kapehan, nagbasa ug nagtuon ang Pulang hukbo sa pamahayag sa Komite Sentral ug mensahe sa Kalihiman sa Komiteng Tigpatuman sa Komiteng Rehiyon sa Partido alang sa anibersaryo. Gipalig-on sa mga pamahayag ug mensahe ang panawagang “Magtul-id ug Moabante!” nga mao usab ang tema sa Kapehan.

Kabahin usab sa selebrasyon ang pagsalu-salo sa gamayng handa, pag-ambitay og mga kasinatian sa miaging tuig, pagburda, pagdrowing, pagkanta, ug pagbasa og pipila ka librong Marxista-Leninista-Maoista.