Simple, pero mahinungdanon ang pagsaulog sang Bagong Hukbong Bayan (BHB)-Quezon (Apolonio Mendoza Command) sa ika-56 anibersaryo sang Partido Komunista ng Pilipinas. Ginlunsar nila ang estilo nga kapehan nga pagdumdom sa isa ka larangan sa South Quezon- Bondoc Peninsula (SQBP).

Sa programa, ginpasidunggan sang yunit ang mga martir sang Quezon sa nagligad nga tuig. Nagahatag sang pahayag sang pagpakig-ugyon ang mga bisita nga nagtambong nga naghalin sa mga alyado nga hugpong sang National Democratic Front of the Philippines (NDFP) kasubong sang Kabataang Makabayan kag Artista at Manunulat ng Sambayanan.

Bag-o pa ang Kapehan nagbasa kag nagtuon ang Pulang hukbo sang pahayag sang Komite Sentral kag mensahe sang Tiglikom sang Komiteng Tigpatuman sang Komiteng Rehiyon sang Partido sa Southern Tagalog sa anibersaryo sang Partido. Ginpabakod sang mga pahayag kag mensahe ang panawagan nga “Manadlong kag Sumulong!” nga amo man ang tema sang Kapehan.

Parte man sang kahiwatan ang sinaluhay sa gamay nga ginhanda nga pagkaon, pagbahinay sang inagihan sa nagligad nga tuig, pagburda, pagdrowing, kantahan kag pagbasa sang pila ka libro nga Marxista-Leninista-Maoista.