Ha mahugot nga pagbakyang han masa, nahilansar han Bagong Hukbong Bayan (BHB)-Rizal (Narciso Antazo Aramil Command) an selebrasyon han ika-56 nga anibersaryo han Partido Komunista ng Pilipinas ha prubinsya. Tinambong ha katitirok an mga kaapi han Partido ngan mga rebolusyunaryo nga pwersa tikang ha sektor han mga parag-uma, kababayin-an, kabatan-unan-estudyante, trabahador ngan kablas ha syudad. Nahipatuman ini ha butnga han makusog nga operasyon militar ha prente gerilya.

Ha katitirok, iginlansar an pormal nga pag-aram ha pahayag han Komite Sentral para ha anibersaryo diin sumobra 50 katawo tikang ha kabaryuhan ngan kasyudaran an tinambong. Ha diwa han kagiusan nga pagtutul-id, kritikal ngan mapainubsanon nga gintudlok ha pag-aaram an mga naeksister pa gihapon nga kaluyahan nga kinahanglan ungbawan ngaduha ha kagiusan masa ngan armado nga pakig-away.

Naghimo naman hin mga pankultura nga pasundayag an Pulang Bandila han BHB-Rizal ngan an mga tumambong nga rebolusyunaryo nga pwersa. Landaw liwat ha selebrasyon an paghimo han mga arte-biswal han mga mangaraway ngan mga rebolusyunaryo nga pwersa tikang ha kasyudaran hiunong ha tema han pahayag han Partido ngan pagpasulong han kagiusan nga pagtutul-id. Damo ha mga tumambong syahan nga higayon pala nga nakasakob ha yunit han BHB.

Kahuman han ngatanan, naglansar an yunit hin “kapihan” ha tema nga “an papel han kabatan-unan ha kagiusan nga pagtutul-id.” Ha sarusaliwan nga pahayag ngan kanta tikang ha mga Pula nga mangaraway ngan rebolusyunaryo nga pwersa, iginpasaro an kamahinungdanon han kagiusan nga pagtutul-id ngan kun tiunan-o ini iginsapraktika han kada tagsa.

Sigon ha mga bisita, nagin pamatuod an aktibidad nga waray pulos an ginsesering han reaksyunaryo nga estado nga natikaluya na an rebolusyunaryo nga kagiusan. Ha paghuman han programa, damo an nagpahayag han karuyagon nga magpabilin agud mag-integreyt ha hukbo han katawhan.