Ginkundena han Code-AI an diri makatadungan nga pagtanggal ha trabaho kan Renso Bajala, tagapagyakan han BIEN, kahuman magpa-interbyu ha usa nga mamamahayag kasumpay han kamutangan han mga trabahador ha mga BPO nga kompaniya nga nagamit han AI. Gintanggal hi Bajala ha basaranan han “palisiya ha social media” han kompaniya nga Concentrix ngan American Express. Talapas an terminasyon ha kalibrihan ha pagpapahayag ni Bajala ngan igkasi niya nga trabahador.

“Mayda kami katungod ha libre nga pagpapahayag ngan asosasyon, ngan yawe an amon pagpartisipar ha mga diskusyon ngan paghimo hin mga palisiya ha paggamit han teknolohiya nga AI agud madepensahan (namon) an katungod han mga trabahador,” sigon kan Bajala.