Sa labaw nga pagtimbang sang masa, natigayon sang Bagong Hukbong Bayan (BHB)-Rizal (Narciso Antazo Aramil Command) ang kahiwatan sang ika-56 anibersaryo sang Partido Komunista ng Pilipinas sa prubinsya. Nagtambong sa pagtililipon ang mga katapo sang Partido kag mga rebolusyonaryong pwersa halin sa sektor sang mga mangunguma, kababainhan, kabataan-estudyante, mamumugon kag imol nga tagasyudad. Natigayon ini sa tunga sang grabe nga operasyon militar sa larangan gerilya.

Sa pagtililipon, ginlunsar ang pormal nga pagtuon sa pahayag sang komite Sentral para sa anibersaryo kung sa diin masobra 50 katawo halin sa kabukiran kag kasyudaran ang nagtambong. Sa diwa sang kahublagan panadlong, kritikal kag mapa-inubuson nga gintumod sa pagtuon ang mga nagaluntad pa sa gihapon nga kahuyangan nga dapat panginbabawan lunsay sa kahublagan masa kag armado nga paghimakas.

Naglunsar naman sang mga pangkultura nga pasundayag ang Pulang Bandila sang BHB-Rizal kag ang mga nagtambong nga rebolusyonaryong pwersa. Ginpatigbabaw man sa kahiwatan ang pagtuga sang mga arte biswal sang mga hangaway kag mga rebolusyonaryong pwersa halin sa kasyudaran angot sa tema sang pahayag sang Partido kag pagsulong sang kahublagan panadlong. Madamo sa mga nagtambong ang una nga bes lamang nakasulod sa yunit sang BHB.

Pagkatapos sang tanan, naglunsar ang yunit sang “kapehan” sa tema nga “ang papel sang pamatan-on sa kahublagan panadlong.” Sa baylohanay sang pahayag kag kanta halin sa mga Pulang hangaway kag rebolusyonaryong pwersa, ginbahin ang kahulugan sang kahublagan panadlong kag kung paano ini isakabuhi sang tagsa.

Suno sa mga bisita, nangin pamatuod ang aktibidad nga wala pulos ang ginahambal sang reaksyunaryo nga estado nga nagahuyang na ang rebolusyonaryong kahublagan. Sa katapusan sang programa, madamo ang nagpahayag sang kagustohan nga magpabilin agud maki-pangabuhi sa hukbo sang banwa.