Gikundena sa Code-AI ang dili makatarunganong pagsisante kang Renso Bajala, tigpamaba sa BIEN, human siya nahinabi sa usa ka reporter mahitungod sa kahimtang sa mga mamumuo sa mga kumpanyang BPO nga naggamit og AI. Gisisante si Bajala tungod sa “palisiya sa social media” sa kumpanyang Concentrix ug American Express. Lapas ang pagtangtang kaniya sa katungod sa pagpadayag ug sa katungod sa pareho niyang mamumuo.

“May katungod kami sa gawasnong pagpadayag ug asosasyon, ug importante kaayo ang among partisipasyon sa mga diskusyon ug paghimo og mga palisiya sa paggamit sa teknolohiyang AI aron maprotektahan ang mga katungod sa mga mamumuo,” matud ni Bajala.