Ginkundenar sang Code-AI ang indi makatarunganon nga pagsisante kay Renso Bajala, tigpamaba sang BIEN, matapos maghatag siya sang sugilanon sa isa ka tigpamahayag kaangot sa kahimtangan sang mga mamumugon sa mga kumpanyang BPO nga nagagamit sang AI. Ginsisante si Bajala sa basehan sang “patakaran sa social media” sang kumpanya nga Concentrix kag American Express. Lapas ang terminasyon sa kahilwayan sa pagpamahayag ni Bajala kag kapareho niya nga mamumugon.

“May kinamatarung kami sa hilway nga pagpalayag kag asosasyon, kag krusyal ang amon pag-intra sa mga diskusyon kag paghimo sang mga patakaran sa paggamit sang teknolohiya nga AI para mapangapinan (namon) ang kinamatarung sang mga mamumugon,” suno kay Bajala.