Imparang ti Department of Labor and Employment ti panagbalin a maka-kapitalista na idi nangiruar ti linteg “assumption of Jurisdiction” wenno AJ idi Pebrero 5 ti sangsanguen a laban dagiti mangmangged ken unyon iti Nexperia Philippines Inc. Babaen ti AJ, epektibo nga iparit ti DOLE ti plano a welga nga isagsagana dagiti mangmangged iti panangiyuna ti Nexperia Philippines Inc Workers’ Union-National Federation of Labor Unions-Kilusang Mayo Uno (NPIWU-NAFLU-KMU).

Ti AJ ket maysa a linteg nga inruar ti sekretario ti DOLE kadagiti pannakaiparit nga agtrabaho kadagiti industriya a maibilang a “napateg iti nasyonal a pagimbagan”. Awtomatik a lappedan daytoy ti aniaman a welga wenno lockout ken obligaren nga agsubli a dagus iti trabaho dagiti mangmangged ken ituloy ti operasyon ti kumpanya. Usar ti AJ, mabalin a patignayen ti DOLE dagiti pulis ken militar tapno panangparigato dagiti mangmangged nga agsukir iti linteg daytoy.

Nagsasaruno dagiti piket ken rali nga inangay ng NPI-WU itay Pebrero tapno batikusin ti AJ ken sungbatan ti Nexperia ti nabayagen nga karit dagiti mangmangged ditoy. Malagip a nagbotos ti mayorya dagiti myembro ti NPIWU-NAFLU-KMU idi Disyembre 20, 2024 tapno ikasa ti welga kalpasan ti maysa a tawen nga panangitantan ti kumpanya iti negosasyon ken deadlock a panagpapatang para iti baro a collective bargaining agreement (CBA). Panglaban da met lang ti iligal a panangikkat ken panangikkat iti uppat nga opisyal ti union maibilang ti pangulo daytoy idi Disyembre 17, 2024.

Basar iti Center for Trade Union and Human Rights (Philippines), maibusor ti AJ iti karbengan dagiti mangmangged ti pannakinegosasyon ti CBA ken karbengan nga agwelga. Addaanen ti ukom ti International Labour Organization Committee of Experts on the Applications of Conventions (I-LO-CEACR) nga sumupsupiat iti ILO Conventions 87 ken 98 ti AJ ti karbengan ti kolektibo a pannakisarita ken karbengan nga agwelga.

Ti Nexperia ket paset ti maysa a kumpanya a multinational nga agparpartuat kadagiti semiconductor chip nga ar-aramaten kadagiti lugan, cellphones, ken dadduma pay. Karaman kadagiti kliente daytoy ti Bosch, Continental, Denzo, Huawei, Neltz, Tesla, Xiaomi at Samsung.

Iti agdama, makaar-aramid ti Nexperia Philippines ti pito milyon a chip ti inaldaw. Paset daytoy iti nasurok 90 bilyon semiconductor chip a maparpartuat ti kabuklan a kumpanya kada tawen. Daytoy Pebrero, nagreport ti kumpanya iti kabuklan a pastrek nga 12.61 billion dollars para iti 2024.

Ti Nexperia ket dati a Phillips Semiconductors, maysa kadagiti kadakkelan a kumpanya ti semiconductor a nakabase iti The Netherlands. Inlako daytoy kadagiti Dutch nga nakinkukua kadagiti agpupuonan nga Amerikano idi 2016 ken nagbalin nga NXP Semiconductors. Idi 2017, nagatang daytoy ti Wing Tech, maysa a kumpanya a Chinese nga paset ti panagtagikua ti estado ti China. Addaan daytoy kadagiti mayor nga opisina iti The Netherlands ken China.