Nagirussuat kadagiti taktikal nga opensiba dagiti yunit iti New People’s Army (NPA) iti naglabas a lawas laban kadagiti pwersa ti militar ken manangdadael a konstruksyon sadiay Rizal, Mindoro ken Negros.

Sadiay Rizal, binigwasan iti NPA-Rizal (Narciso Antazo Aramil Command) ti tropa ti 90th IB idi Pebrero 17 sadiay Sityo Tayabasan, Barangay San Jose, Antipolo City, alas-3 iti malem. Maysa a soldado iti napasag.

Nabayagen nga agin-indeg iti lugar dagiti tropa ti AFP nga agserserbi kas protektor iti manangdadael a Wawa-Viologo Dam ken panagkwari a nangpadisi kadagiti mannalon ken nangyeg iti nakaro a pannakadadael iti aglawlaw iti Rizal.

Sadiay Negros Oriental, inrussuat dagiti Nalabaga a mannakigubat ti panangdusa kadagiti mananggamrud ken manangdadael nga operasyon iti kompanya a kukua iti dakkel a komprador a pamilya iti Limkaichong idi Pebrero 8 sadiay Barangay Aya, La Libertad. Pinaralisa iti yunit ti maysa a dump truck, maysa a pison, ken dua a backhoe nga us-usaren iti panangaramid iti kalsada para iti pagminasan ken plantasyon. Agarup P20 milyon ti kabuklan a danyos iti operasyon.

Kabayatan na, napaay ti rumaraut nga yunit iti 4th IB laban iti yunit ti NPA sadiay Sityo Balugo, Brgy. Budburan, Mandalay, Oriental Mindoro idi Pebrero 15. Situtured a limmaban dagiti nalabaga a mannakigubat isu a naparmek da dagiti berdugo.

Dua iti natay, karaman ti kumander iti platun, ken siyam ti nasugatan iti intar ti rumaraut a kabusor.

Sakbay daytoy, saan a bumaba iti uppat a soldado iti 203rd IBde ti kaswalti iti dua nga aktibo a depensa dagiti yunit iti NPA-Mindoro (Lucio de Guzman Command) kadagiti panangraut nga inrussuat ti militar sadiay San Jose, Occidental Mindoro idi Pebrero 11.