Innala ken naiplano a pinatay dagiti soldado ti 62nd IB ti mannalon a ni Rolito Tanillo iti Barangay Tala-on, La Libertad, Negros Oriental idi Pebrero 10, alas-7 ti rabii. Basar iti report, impanaw isuna dagiti soldado manipud iti balay na, naipan iti sabali a lugar tapno mapapatay.

Pinaruar dagiti Soldado a natay isuna iti engkwentro iti New People’s Army (NPA). Awan kaes-eskan na a nagpaputok para iti palso a labanan. Nangited daytoy iti nakaro a panagbuteng kadagiti bumaryo.

Mano nga aldaw sakbay iti pammapatay, di nainkalintegan a pannakaibalud kadagiti sibilyan idi Enero 29 iti Central Negros.

Iti Barangay Linantuyan, Guihulngan City, Negros Oriental, imbalud ti 70 anyos nga ni Naring Remasog iti saan a nalawag a basaran. Agingga iti agdama ket saan a masigurado ti pamilya no sadino nga impan dagiti soldado ti biktima ken no ania ti kasasaad nan.

Iti Barangay Santol, Binalbagan, Negros Occidental, inaresto ni Bobet Carillo idi Pebrero 29. Pinagkali ti daga iti uneg ti balayda ti asawa ken anak na tapno biruken ti armas nga ilemlemmeng idiay ni Carillo. Malaksid pay, pinilit a pinaggayd iti kombat operasyon ni Carillo iti kabangibang nga ili nga asideg iti Binalbagan idi Pebrero 18, inreport dagiti residente ti Asienda Tres Hermanos iti Barangay Luna, Cadiz City ti panagadu dagiti Scout Ranger manipud iti 79th IB iti komunidad. Sinerrek da ti balay ti daulo ti asosasyon ken impauneg isuna iti interogasyon.

Pannakapilit. Iti Cordillera, indarum iti reklamo a panaglabsing iti “terorrism financing” ti tagapagsarita ti Kilusang Mayo Uno-Cordillera nga ni Mike Cabangon. Idi Pebrero 15, nakaawat ti reklamo nga indarum ti pulis maibusor kaniana para kano iti dua nga insidente ti panaglabsing iti “terorrismo financing”.

Ni Cabangon ti maika-12 progresibo nga individual iti Northern Luzon nga indarum ti ara-aramid a kaso maipapan ti terrorism financing.

Iti Iloilo, inreport ti Anakbayan-West Visayas State University (WVSU) ti panangkompronta daytoy ti maysa a myembro ti Student Intelligence Network (SIN) iti uneg ti Reserve Officer Training Corps (ROTC) a nagpammarang nga estudyante ti unibersidad ken panangtiktik iti organisasyon da. Nagipudno ti nasao nga indibidwal iti inaramid na nga paniniktik maibusor kadagiti myembro ti Anakbayan-WVSU maiyannurot ti bilin kenkuana ti ROTC.