Kinondenar ti People Surge, Alyansa dagiti nakalasat ti didigra, ti kinamaag ti rehimeng Marcos nga ikkan ti proteksyon dagiti bulnerable a komunidad ti panawen dagiti bagyo ken panagtutudo nga bunga ti shear line. Binatikos met daytoy ti panangpabor ti rehimen iti makadadael a proyekto ken operasyon ti panagminas, kwari ken panangbaliw ti usar ti daga a nangpakaro kadagiti nadadael ti layus ken panagtudo. Inrupir daytoy a kasapulan nga ikkan ti hustisya ken kompensasyon dagiti nakalasat kadagiti didigra ken isardeng dagiti naibaga a makadadael nga operasyon.

Manipud Enero, sibubukel a barangay iti Samar, Davao, dagiti rehiyon ti Camarines, Cagayan ken dadduma pay a probinsiya ket nalayus ti nabayag ken napigsa nga tudo nga kagiddan ti shear line. Ti shear line ket panagdinnungpar ti agduma a partak, direksyon ken temperatura ti angin agresulta ti panagtudo.

Iti laeng napalabas, nalayus iti panagtudo dagiti barangay ti rehiyon ti Calabarzon, Western Visayas ken Central Visayas nga nangyeg ti pannakaperdi ti 850,000 indibidwal. Karaman ti naipadamag a nakaro a panaglayus ti Puerto Princesa City ken sabali pay nga ili ti Palawan, nga no sadino ket lima ti natay.

Nagkirang ti iwarwaras ti estado a ₱65 milion a ruling maikumpara ti kinakaro ti nadadael, basar iti grupo. Saan nga umanay tapno maitakder dagiti balay, isubli dagiti napukaw a mula, wenno mangsango iti trauma a pinarnuay iti komunidad.

Panawagan ti alyansa nga maaddaan ti komprehensibo a plano para iti didigra tapno ikkan ti prayoridad ti pinakabulnerable a lugar ken dagiti programa a pangkabiagan kadagiti naapektaran a komunidad. Kasapulan met a pagbayaden dagiti lokal ken nasyonal nga opisyal ti napaay a panangprotekta kadagiti umili, gapu iti panangbaybay-a ken panagtultuloy ti didigra.