Protesta kontra panagngato iti matrikula iti Panay. Nagprotesta dagiti estudyante manipud iti naduma-duma a pribado nga unibersidad idi Pebrero 14 tapno supiaten ti nakaro a panagngato iti matrikula ken dadduma pay a mabayadan. Indauluan daytoy iti Kabataan Partylist-Panay.

Dagiti protesta kontra panangikkat ti Cebu. Nagirussuat ti piket dagiti grupo ti mangmangged ken myembro ti Makabayan Coalition idi Pebrero 13 tapno iprotesta ti kumarkaro a panangikkat ken kontraktualisasyon iti probinsya. Sakbay daytoy, nangisayangkat ti protesta dagiti mangmangged ti Coca-Cola Cebu iti sango ti planta daytoy iti Mandaue idi Pebrero 10, ti aldaw nga inikkat ti kumpanya ti 200 mangmangged.

Panagsala a maibusor iti pasismo. Indauluan ti Gabriela iti tinawen a panagsala tapno lagipen ti One Billion Rising (OBR) iti Mendiola ti Manila idi Pebrero 14. Ita a tawen, naipamaysa ti kampanya ti OBR ti panaglaban ti pasismo iti naduma-duma a paset ti lubong, maibilang dagiti gubat nga indauluan ken pinarnuay ti US ken pasismo dagiti estado nga ponponduan ti US.

Ti laeng bagas ti napateg. Nagturong dagiti mannalon a naggapu pay iti Bulacan, Rizal, Laguna ken Tarlac iti sango ti Department of Agriculture tapno ipanawagan manen ti panangibasura ti Rice Liberalization Law, a nagbalin a linteg idi Pebrero 14, 2018.

Antiqeuño kontra-minas. Nangirussuat ti ginasut nga Antiqueño ti koalisyon nga AMLIG Antique Alliance idi Pebrero 11 tapno supiaten ti naipadamag a panangideklara ti estado ti 3,715 ektarya a daga ti nasurok 16 barangay sadiay Patnogon, San Remigio, Valderrama ken Sibalom ti Antique nga lugar ti pagminasan.

5-tawen a prangkisa ti jeep, isubli. Nagtataripnong iti sango ti LTFRB dagiti myembro ti Piston idi Pebrero 10 tapno irupir ti panangisubli ti 5-tawen nga indibidual a prangkisa kadagiti tsuper ken opereytor. Nagsumite da met laeng ti petisyon nga addaan pirma ti nasurok 30 organisasyon dagiti drayber ti Jeep para daytoy.

Ikkaten ti buwis para iti langis. Nagprotesta ti Piston ken dadduma pay a demokratiko a grupo iti sango ti Petron Philcoa ti Quezon City idi Pebrero 10, maika-27 anibersaryo ti Oil Deregulation Law. Pinalubusan daytoy a linteg ti awan kontrol na a panagngato ti presyo ti gasolina. Impanawaganda ti panangikkat ti VAT ken excise tax kadagiti produkto ti petrolyo nga padagsen kadagiti drayber ken komyuter.