Naglunsad og mga taktikal nga opensiba ang mga yunit sa Bagong Hukbong Bayan (BHB) sa milabayng mga semana batok sa mga pwersa sa militar ug magun-ubong konstruksyon sa Rizal, Mindoro ug Negros.

Sa Rizal, gihampak sa BHB-Rizal (Narciso Antazo Aramil Command) ang tropa sa 80th IB niadtong Pebrero 17 sa Sityo Tayabasan, Barangay San Jose, Antipolo City, mga alas-3 sa hapon. Usa ka sundalo ang napatay.

Dugay nang naa sa lugar ang mga tropa sa AFP nga nagsilbing protektor sa magun-ubong Wawa-Violago Dam ug pagkwari nga nagpalayas sa mga mag-uuma ug nagbunga og grabeng kadaut sa kalikupan sa Rizal.

Sa Negros Oriental, gilunsad sa mga Pulang manggugubat ang usa ka punitibong aksyon batok sa makawkawon ug magun-ubong operasyon sa kumpanyang gipanag-iyahan sa dakung kumprador nga pamilyang Limkaichong niadtong Pebrero 8 sa Barangay Aya, La Libertad. Giparalisa sa yunit ang usa ka dump truck, usa ka pison, ug duha ka backhoe nga gigamit sa pagtukod og kalsada para sa mina ug plantasyon. Gibanabanang ₱20 milyon ang kinatibuk-ang kadaut sa operasyon.

Samtang, pakyas ang miatakeng yunit sa 4th IB nga pulbuson ang giatake niining yunit sa BHB sa Sityo Balugo, Barangay Budburan, Mansalay, Oriental Mindoro niadtong Pebrero 15. Mabayanihong misukol ang mga Pulang manggugubat maong nahimong nakadaut sa mga berdugo. Duha ang patay, lakip na ang kumander sa platun, ug siyam ang nasamdan gikan sa han-ay sa miatakeng kaaway.

Sa wala pa kini, dili moubos sa upat ka sundalo sa 203rd IBde ang kaswalti sa duha ka aktibong depensa sa mga yunit sa BHB-Mindoro (Lucio de Guzman Command) batok sa mga pagpanulong nga gihimo sa militar sa San Jose, Occidental Mindoro ug Mansalay, Oriental Mindoro niadtong Pebrero 11.