Protesta kontra pagsaka sang matrikula sa Panay. Nagprotesta ang mga estudyante halin sa lain-lain nga pribadong unibersidad sadtong Pebrero 14 agud pamatukan ang nagahana nga pagsaka sang matrikula kag iban pa nga balayran. Ginpangunahan ang protesta sang Kabataan Partylist-Panay,

Mga protesta kontra kakasanay sa Cebu. Naglunsar sang piket ang grupo sang pamugon kag katapo sang Makabayan Coalition sadtong Pebrero 13 agud iprotesta ang nagagrabe nga kakasanay kag kontraktwalisasyon sa probinsya. Antes sini, nagpatigayon sang protesta ang mamumugon sang Coca-Cola Cebu sa atubang sang planta sini sa Mandaue sadtong Pebrero 11, sa adlaw nga ginkakas sang kumpaniya ang 200 ka mamumugon.

Saot batuk sa pasismo. Ginpangunahan sang Gabriela ang tuigan nga pagsaot agud handurawon ang One Billion Rising (OBR) sa Mendiola sa Manila sadtong Pebrero 14. Subong nga tuig, nakatutok ang kampanya sang OBR sa pagpamatuk sa pasismo sa lain-lain nga bahin sang kalibutan, lakip ang mga gyerang ginpasimunuan kag ginsulsolan sang US kag pasismo sang mga estado nga ginapondohan sang US.

Bugas lang ang nagamahal. Nagkadto ang mga mangunguma nga naghalin pa sa Bulacan, Rizal, Laguna, Tarlac sa atubang sang Department of Agriculture agud liwat ipanawagan ang pagbasura sa Rice Liberalization Law, nga ginhimo nga laye sadtong Pebrero 14, 2018.

Antiqueño kontra-mina. Ginlunsar sang ginatos ka Antiqueno ang koalisyon AMLIG Antique Alliance sadtong Pebrero 11 agud pamatukan ang nabalita nga padeklarar sang estado sa 3,715 ka ektarya nga kadutaan sa halos 16 ka barangay sa Patnongon, San Remegio, Valderrama kag Sibalom sa Antique bilang mga lugar sang pagmina.

5-tuig nga pangkisa sang dyip, ibalik. Nagtipon sa atubang sang LTFRB ang mga katapo sang Piston sadtong Pebrero 10 agud igiit ang pagbalik sa 5-tuig indibidwal nga pangkisa sa mga tsuper kag opereytor. Nagsumiter man sila sang petisyon nga may pirma sang masobra 30 ka organisasyon sang mga drayber sang dyip para diri.

Kuhaon ang buwis sa lana. Nagprotesta ang Piston kag iban pa nga demokratiko nga grupo sa atubang sang Petron Philcoa sa Quezon City sadtong Pebrero 10, ika-27 nga anibersaryo sang Oil Deregulation Law. Ginpahanugutan sang laye nga ini ang wala-pugong nga pagsaka sang presyo sang lana. Panawagan nila ang pagkakas sang VAT kag exicse tax sa mga produktong petrolyo nga pabug-at sa mga drayber kag komyuter.