Isubli dagiti tahungan iti Navotas. Nagturong iti city hall ti Navotas dagiti mangngalap ken agtatahong babaen ti Pamalakaya idi Marso 14, tapno irupir iti lokal a gobierno a palubusan da nga agsubli kadagiti pagtahungan da. Iti dayta met la nga aldaw iti napalabas a tawen, dinemolis ti gobierno dagiti pagtahungan da iti linged ti “rehabilitasyon” ti Manila Bay. Nasurok 200 a tahungan ti dinemolis idi napalabas a tawen tapno ikkan gundaway ti 650 ektarya a proyekto iti reklamasyon ti San Miguel Corporation ti Navotas.

Hustisia para kadagiti residente iti Balubad. nagmartsa iti Angeles City iti Pampanga dagiti residente iti Sityo Balubad, Barangay Anunas idi Marso 12 tapno manawagan iti hustisia ti naranggas ken iligal a demolisyon iti komunidad da idi Marso 12, 2024. Iti demolisyon idi napalabas a tawen, 600 a pamilya ken 48 a mannalon a benepisyaryo ti certificate of land ownership award ti napadisi manipud kadagiti daga da.

Dagiti konsyumer laban iti nangingina a presyo. Ginunggon iti protesta ti naduma-duma a grupo a paset ti Samahan at Ugnayan ng mga Konsyumer Para sa Ikauunlad ng Bayan (Suki Network) idi Marso 14 dagiti palengke iti Metro Manila tapno ipanawagan iti panangibaba iti presyo ti makan, gagatangen ken bayad ti kuryente, danum ken dadduma pay. Adda met ti nakasina a protesta dagiti agtutubo nga estudyante kadua da dagiti mangmangged tapno lappedan ti panangingato ti plete iti tren.