Naintiempuan laeng ken addaan karit iti pannakaipablaak ti Ulos 2024. Pudno a maysa a siyensiya ken arte a maibilang a mangilawlawag ken mangsungbat iti ania, apay ken kasano ti agdama a konteksto ti pannakidangadang tayo babaen kadagiti obra a kas iti daniw, drama, sarita, liriko ti kanta ken drowing ken panagpinta.

Dagiti napili a sinurat ken dagiti ladawan iti 2024 ket mabalin a makuna nga epektibo gapu ta mangpataud da iti nagduduma a kapadasan wenno impresyon kadagiti agbasbasa. Dagiti daniw, surat ken dagiti ensayo ket naimpusuan a mangpadayaw kadagiti immun-una a kameng a nagbalin a “masirib” ken “managpartuat ” ti biag gapu iti panangaramidda kadagiti di mailibak a ken pagrebbengan iti nailian-demokratiko a rebolusion. Dagiti panidna iturong da ti agbasbasa iti napudpudno a panagkita kadagiti naduma-duma a personal ken sosyal a kontradiksyon ngem iti kamaudiananna ilawlawag na ti kinapudno ti panagpili iti panangsango iti nalablabes ngem ti bukod a panggep ti rebolusyon para iti pagilian ken dasig.

Naballigi ti panagayus dagiti visual arts tapno maidanon dagitoy kadagiti agbasbasa iti nangatngato a pannakaawat, nangatngato a moralidad ken nabilbileg a determinasyon nga agbalin a mangitandudo iti kultura ti panagilinteg.

Iti kastoy a wagas agtultuloy koma ti kampanya ken panangibunannag a basaen ti intero a libro ti Ulos! Igiddan karaman ti panangbasa daytoy iti panagbasa kadagiti kangrunaan a dokumento a masapul a maadal ken masukimat. Nasayaat a mausar dagiti sinurat a kas inspirasyon kabayatan nga agisaysayangkat kadagiti taripnong ti panagsukisok, panangurnos kadagiti paglalagom, panangdillaw ken bukod-a-panagdillaw ken naduma-duma a trabaho iti ideolohiya, pulitika ken organisasyon.

Iti agdama, nangruna iti syudad, ti oras a mausar iti panagbasa, panagsukimat, panagadal ken panagaramid ti adu a trabaho ket nagbalin a risiris saan a husto a panagusar ti internet ken social media. Segun ti pakauna nga sarita ti Ulos 2024, ti iti panagbalbaliw ti kapanunotan ken kababalin, indibidwal ken kolektibo, ket maysa a paset ti kultura.” No kasapulan a balbaliwantayo ti panangusar ti social media, balbaliwantayo. No nasken a kritikal a maikkat dagiti petiburges nga impluwensiya manipud iti naduma-duma a materyal ken instrumento a mangsaranget iti proletario a panunot ken kababalin, masapul a agballigi daytoy. Sangsangkamaysa nga itandudo tayo iti kritiko ken managparnuay a pamay-an ti maysa a kultura a mangsupiat ti suhetibismo ken dagiti burges a kapanunotan ken kababalin!