Usa kabulan nga tinig-ob ha usa nga yunit han Bagong Hukbong Bayan (BHB) ha Southern Tagalog hira Ka Cloud ngan Ka Malen komo parte han ira “tour of duty” o TOD. An “TOD,” integrasyon o pakikipamuhay, magkalain-lain nga ngaran ha pag-integreyt han mga kaapi han rebolusyunaryo nga organisasyon masa ngan Partidista tikang ha kasyudaran ha BHB agud magkamayda hin kongkreto nga eksperyensya ha armado nga rebolusyon.

Tikang ha klase nga petiburges hira Ka Cloud ngan Ka Malen. Diri hira hiara ha kinabuhi ha kabukiran. Agsub hira makurian, labina ha kalakat, kundi malipayon pa gihapon nga maisugon nga humaum ha manera han hukbo. Dinungan hira ha paghasog ha higtaas ngan magdalunot nga tereyn, pagburuhaton masa, pagpahiara militar ngan pagpatuman han mga teknikal nga buruhaton.

Para kan Ka Cloud, pinakabuotan nga mga tawo nga nakilala niya an nakaupod nga mga Pula nga mangaraway. Testigos hiya han determinasyon han mga mangaraway ha atubangan han damo nga ayat han ginerilya nga kinabuhi. Nakit-an niya an pagin seryoso han Pula nga hukbo ha pagsunod ha kagiusan nga pagtutul-id ngan pag-ungbaw ha mga kaluyahan.

Samtang nakaintegreyt, ginpahiara hi Ka Cloud komo upisyal ha lohistika. Nagin responsabilidad niya an pag-imbentaryo han suplay, pagdumara han kusina ngan pagseguro han pagkaon han yunit. Aga pala, mahikakatapo na ha kusina an “Good morning, mga kasama!” ni Ka Cloud.

Hul-os naman an pagpasalamat ni Ka Malen ha pagbakyang ngan pag-intindi han mga kasama ha iya mga kakurian ha paghaum ha kinabuhi ha sona. Ginpahiara hiya komo giya pampulitika han iya pormasyon. Nakit-an niya dinhi an lugar han sumpakiay han mga ideya ngan susnanay han mga kasama ha diwa han kagiusan nga pagtutul-id. Nakit-an niya kun tiunan-o an pagbulig han mga kasama ha kada tagsa.

Ha adlaw han paggikan han duha, naglansar hin kapehan an yunit agud aseson an ira pag-integreyt ha hukbo. Bisan halipot an ira pag-integreyt, nakapurot hin mga leksyon ngan inspirasyon ngaduha an duha ngan an mga Pula nga mangaraway nga nanginano ha ira. Saad han duha nga ha ira pagbalik diinman nga prente gerilya, makakapaupod hira hin iba pa nga kabatan-unan.

Pamatuod an eksperyensya nira Ka Cloud ngan Ka Malen nga diri ulang ha mga rebolusyunaryo ha kasyudaran an kakulang hin kabatiran para magin Pula nga mangaraway. Naghuhulat an mga prente gerilya ngan andam an mga Pula nga mangaraway nga magpahiara han mga kabatan-unan ha syudad nga maisugon nga maapi ha hukbo han katawhan.