Minilyon ka pumuluyo sang US ang naglunsar sang mga protesta nga ginatawag adlaw sang “No Kings” (ukon Wala sang Hari) sadtong Hunyo 14, bilang pagpamatuk sa pasismo kag kontra-pumuluyo nga mga patakaran sang rehimen Trump. Naglab-ot sa 2,000 ka protesta sa 1,500 ka syudad ang ginlunsar sa bug-os nga pungsod.

Gintawag ang protesta nga “No Kings” batuk sa pagpostura nga hari ni Trump, kag pag-angkon sang gahum nga lapaw sa pagka-presidente. Panawagan man ini agud sipaon siya sa iya “trono.”

Sa Los Angeles, ang protesta nga ini kasunod sang sobra isa ka semana nga lapnagon nga protesta batuk sa paglagas sa mga imigrante kag pagdeploy sang National Guard kag Marines sa syudad. Kalakip sa nagpakigbahin sa mga protesta amo ang Migrante LA, Anakbayan LA, Gabriela LA kag National Alliance for Filipino Concerns. Naglab-ot sa 330 imigrante sa syudad ang gin-deteyn sang ICE halin Hunyo 6.

Kadungan sang pagtambong sang mga pungsodnon demokratikong organisasyon sa “No Kings,” nagsab-it ang mga myembro sang Anakbayan Philadephia sang istrimer nga may panawagan nga “US Out of the Philippines” sa may Vine Street, Expressway, Philadelphia.