Ginpatuman ha Rome, Italy hadton Hunyo 27-28 an “Pagtatanim: Sowing Seeds of Faith Solidarity for the Filipino People’s Struggle for Peace,” usa nga katitirok han masobra 70 nga tinaglawas han magkalain-lain nga pagtuo ngan mga grupo ha tawhanon-nga-katungod tikang ha 13 nga nasud. Iginhimo ini atubangan han kadagmitan nga panginahanglan para ha pagkakaurusa ha ranggo han tawo ha singbahan agud suportahan an pakigbisog han mga Pilipino para ha kamurayawan.

Nagtirok gihap an mga tinaglawas han magkalain-lain nga grupo ngan sektor ha ginhimo nga Mindanao-wide Peace Conference hadton Hunyo 24 ha Cagayan De Oro City ha pangunguna han Council of Leaders for Peace Initiatives. Panawagan nira nga suportahan an erestorya pankamurayawan giutan han GRP ngan NDFP nga mabaton ha mga gamot han armado nga pakig-away ha nasud.