Duha ka unyon ang madinalag-on nga nagpinal sang ila matag-collective bargaining agreement (CBA) sadtong Hulyo kag Agosto.

Gin-anunsyo sang Unyon sang mga Panadero sa Gardenia Bakeries Philippines Inc.(UPGBPI-OLALIA-KMU) ang kadalag-an sa ila pakig-negosasyon para sa bag-o nga CBA sadtong Hulyo 18.

Naagum sang unyon ang ₱70 dugang nga sweldo kada tuig para sa masunod nga tatlo ka tuig, dugang nga ₱0.50 sa seniority pay, ₱20,000 signing bonus, ₱7,500 nga lump sum, ₱80 meal allowance nga may dugang nga ₱35 kon obertaym, kag dugang nga “leave credits” para sa mga mamumugon nga masobra na 15 ka tuig sa pabrika.

Naduso man sang unyon ang manedsment nga ihatag sa mga mamumugon ang dugang nga sweldo (retroactive) para sa mga bulan sang Oktobre 2024 tubtob Hunyo subong nga tuig.

Samtang, gin-anunsyo sadtong Agosto 13 sang University Hotel Worker’s Union-KMU NCR nga napirmahan man ang bag-o nga CBA sa tunga sini kag sang manedsment sang hotel sa sulod sang University of the Phillipines-Diliman sa Quezon City.

Pila sa nadaog pa sa CBA ang dugang nga benepisyo kag alawans nga makabulig sa pang-adlaw-adlaw nga kinahanglanon sang mga mamumugon.