Ginmanduan sang Moro Islamic Liberation Front (MILF) ang tanan nga mga hangaway sang Bangsamoro Islamic Armed Forces kag iban pa nga ahensya nga hugot magsunod sa resolusyon sang Komite Sentral sang MILF nga nagasuspende sang implementasyon sang proseso sang pag-dekomisyon sang BIAF. Nagpaguwa ini sang bag-o nga memorandum sadtong Agosto 16 kon diin ginamando sini sa tanan nga kumander kag ikaduha nga kumander sang larangan, pinuno sang iban nga ahensya kag ila mga tiglawas nga indi magpakigbahin sa ano man nga aktibidad para sa decommisioning ukon normalisasyon nga unilateral nga gin-organisa sang Gobyerno sang Republika sang Pilipinas (GRP) nga wala sang pasiuna nga pagpahanugot ukon otorisasyon halin sa tsirman sang MILF.

Paandam sang mando, ang indi pagsunod kabigon nga “seryoso nga paglapas sa disiplina sang kumand” kag sin-o man nga indi magtuman posible nga mag-atubang sa aksyon administratibo kag pagdisiplina. Ginsuspende sang MILF ang proseso sang decommissioning tungod sa kapalpakan sang GRP nga tumanon ang madamo nga probisyon nga dapat kadungan sini.