Sa okasyon sang una nga tuig sang anibersaryo sang mga Martir sang Agosto sa Panay, ginbalikan dumdom ang ila kabuhi sang Komiteng Rehiyon ng Partido Komunista ng Pilipinas sa Panay. Naglunsar sang lain-lain nga aktibidad ang rebolusyonaryong kahublagan sa bug-os nga Agosto, kag partikular nga gindumdom ang Agosto 26 Adlaw sang mga Martir sa Panay.

Ang mga Martir sang Agosto sa Panay ginalakipan sang 11 ka Pulang hangaway sang Bagong Hukbong Bayan (BHB)-Panay (Coronacion Waling-Waling Chiva Command) kag mga lider kag kadre sang Partido nga namartir sadtong Agosto 2024.

Kapin isa ka tuig ang nagligad, gin-report sang National Democratic Front (NDF)-Panay nga 10 sa namartir nadakop, gintortyur kag hungod nga ginpatay sang militar, nga lubos nga paglapas sa internasyunal nga makatawo nga layi.

Bilang pagsaludo sa tanan nga martir sa isla, naglunsar sang malinong nga 21-gun salute ang mga yunit sang BHB-Panay. Nagtipon man ang Kabataang Makabayan-Panay, Katipunan ng mga Samahang Manggagawa-Panay kag iban pa nga rebolusyonaryong masang organisasyon agud magpasidungog.