Sa okasyon sa unang anibersaryo sa mga Martir sa Agosto sa Panay, nagbalik-lantaw sa ilang kinabuhi ang Komiteng Rehiyon sa Partido Komunista ng Pilipinas sa Panay. Naglunsad og lain-laing aktibidad ang rebolusyonaryong kalihukan sa tibuok Agosto, ug partikular nga gidumdum ang Agosto 26 Adlaw sa mga Martir sa Panay.

Ang mga Martir sa Agosto sa Panay gilangkuban sa 11 ka mga Pulang manggugubat sa Bagong Hukbong Bayan (BHB)-Panay (Coronacion Waling-Waling Chiva Command) ug mga lider ug kadre sa Partido nga namartir niadtong Agosto 2024.

Halos usa ka tuig ang milabay, gitaho sa National Democratic Front (NDF)-Panay nga 10 sa mga namartir ang gidakip, gitortyur ug tinuyong gipatay sa militar, nga direktang paglapas sa internasyunal nga makitawhanong balaod.

Isip pagsaludo sa tanang martir sa isla, naglunsad og hilum nga 21-gun salute ang mga yunit BHB-Panay. Nagtapok usab ang Kabataang Makabayan-Panay, Katipunan ng mga Samahang Manggagawa-Panay ug uban pang rebolusyonaryong masang organisasyon aron magparangal.